JUMUIYA YA WAZAZI PWANI YAPATA VIONGOZI WAPYA.

Mwandishi wetu, Bagamoyo

MSIMAMIZI wa uchaguzi wa Baraza la jumuiya ya Wazazi wilayani Bagamoyo, Ahmed Kassam amemtangaza mshindi wa nafasi ya mwenyekiti wa baraza hilo kwa jimbo la Chalinze kuwa ni Juma Halfani,na katibu wake ni Mzingiti Issa.

Kassam ambae pia ni mjumbe wa halmashauri kuu CCM Mkoa wa Pwani na katibu wa kamati ya utekelezaji mkoa huo ametangaza matokea hayo jana jioni mara baada ya kukamilika kwa uchaguzi wa Jumuia hiyo ya Wazazi Bagamoyo.

Msimamizi huyo pia amewataja wajumbe wa kamati ya utekelezaji jimbo la Chalinze kuwa ni Ester Herman, Mharam Abdallah na Rajab Kaduganye.

Aidha Kwa upande wa jimbo la Bagamoyo kamati ya utekelezaji walioibuka washindi ni Adam Mkopi, Salum Tekelo na Sada Kilemba.

Kassam amemtangaza pia mwenyekiti wa jimbo la Bagamoyo wa baraza la wazazi ni Selemani Kawambwa na katibu wake ni Bahati Rajabu.

Na kamati ya utekelezaji jumuiya hiyo ya wazazi wilaya walioibika kidedea kwa mujibu wa msimamizi huyo ni Salma Mustafa, Juma Kingwala, Mwanahamisi Akida, Issa Muhibu,Shabudu Abdallah na Yahya Msonde.

Blogzamikoa

www.blogszamikoa.blogspot.com