Ajali yaua wanne na kujeruhi saba

WATU wanne wamefariki dunia na wengie saba kujeruhiwa katika ajali mbili tofauti za barabarani zilizotokea kwenye barabara kuu ya Dar  esalaam Morogoro na Chalinze Segera baada ya magari waliyokuwa wakisafiria kuacha njia na kupinduka na jingine kugongana uso kwa uso Wilayani Bagamoyo mkoani Pwani.

Matukio hayo mawili ya ajali yametokea usiku wa kuamkia Julai 25 kwa saa tofauti huku moja ikiwa imetokea majira ya saa 5 usiku katika eneo la Vigwaza na ya pili saa 2.45 usiku huo huo huko  eneo la Mlima Wami.

Kamanda wa Polisi mkoani humo Ulrich Matei amethibitisha ajali hiyo ambapo amesema katika ajali ya Vigwaza watu wawili waliokufa ni Mohamed Athuman (32) dereva wa  gari T 590 BXJ Toyota Coaster mini bus iliyokuwa ikitokea Morogoro kwenda Dar esalaam na Hemed Mohamed (34) dereva wa gari T 102 CHW Mitsubishi Canter iliyokuwa inatokea  Dar esalaam Chalinze na miili hiyo imhifadhiwa hospitali ya Rufaa ya Tumbi Kibaha.

Amewataja majeruhi wa ajali hiyo ni Joseph Simbaya(50),mkazi wa Dar,Loitu Karangii(20),mkazi wa Arusha ,William Saimairu(22)mkazi wa Arusha na Juma Shaban(22) mkazi wa Dar na wote walimelezwa kwa matibabu katika hospitali ya Rufaa Tumbi na kwamba chanzo cha ajali hiyo ni gari ya Canter kuhama njia na kugongana uso kwa uso na basi hilo.

Katika ajali ingine iliyotokea eneo la Mlima Wami Matei amesema ilisababisha vifo viwili na majeruhi watatu na kwamba waliofariki ni Rajabu Ramadhan(25) na Jaribu Yahaya(28) wote wakazi wa Changalikwa na waliojeruhiwa ni Masumbuko Mwatera (31),Fred Mwasebo(24) mkazi wa Mbeya na Ally Kaziyabure.