MWENYEKITI WA ATAFUNA FEDHA ZA KIJIJI ZAIDI YA MILIONI

Mwandishi wetu, Bagamoyo

Zaidi ya sh Milioni Mbili fedha  za maendeleo ya kijiji zinadaiwa kutumiwa na Mwenyekiti wa  kijiji cha Makombe Kata ya Lugoba Wilaya ya Bagamoyo Hussein Mlwale na kusababisha wakazi wa eneo hilo kuamua kumsimamisha uongozi .

Fedha hizo zinadaiwa zilitolewa na mwekezaji wa Kampuni ya TERRO inayoshughulika na ubanguaji wa kokoto huko lugoba wilayani humo.

Sakata hilo limewekwa wazi na afisa Tarafa Mary Komba mbele ya Ofisa Mtendaji wa kijiji hicho Bw. Jeremiah Jerard na Ofisa Mtendaji Kata ya Lugoba  Athumani Mhami ambae alisema fedha hizo hazikufikishwa kwenye uongozi huo.

Mary Komba amesema Mwenyekiti huyo  ametafuna fedha hizo ambazo zililenga kutumika kwa shughuli mbalimbali za kimaendeleo kwenye kijiji hicho.

 

Hata hivyo baada ya kuvuja kwa hali hiyo mwenyekiti Mlwale anaedaiwa kutumia fedha hizo milioni mbili za maendeleo ya kijiji amezisalimisha fedha hizo polisi.

Sanjali na tuhuma hizo Mlwale analalamikiwa kutoitisha mikutano ya mapato na matumizi ya kijiji  na Wajumbe wa Halmashauri ya kijiji hicho wamesimamishwa uongozi wakituhumiwa kutoweka wazi matumizi ya fedha za marejesho zilizotolewa na wananchi baada ya kukopeshwa na serikali ya kijiji hicho.

Blogzamikoa