Watumishi wawili halimashauri ya Kibaha watimuliwa kazi kwa ubadhilifu

WATUMISHI wawili wa Halmashauri ya mji Kibaha wamefukuzwa kazi mjini humo kwa tuhuma za kuhusika utovu wa nidhamu kwa mwajiri,ubadhilifu na wizi wa fedha za miradi ya maendeleo zaidi ya sh. milioni 15 ikiwemo ya ujenzi wa Zahanati na nyumba ya mganga wa afya.

Mbali ya watumishi hao wawili kutimuliwa kabisa katika ajira zao, pia mtumishi mwingine mmoja naye kapewa adhabu ya kukatwa asilimia 15 ya mshara wake kwa kipindi cha mwezi mmoja kutoaka na utofu wa nidhamu kwa mwajiri wake.

Hatua hiyo imebarikiwa na Baraza la madiwani wa halmashauri hiyo wakati wa kikao chake cha kawaida kilichoketi leo Agosti mosi mjini humo.

Mwenyekiti wa Halmashauri hiyo Adhudadi Mkomambo aliwataja watumishi waliofukuzwa na kiasi cha fedha walichokipora katika mabano ni Juma Sengoda afisa mtendaji ambapo anatuhumiwa kuiba sh. milioni 14 kutoka katika akaunti ya fedha za ujenzi wa Zahanati ya Garagaza.

Amesema mtendaji huyo alifanikiwa kuchota kiasi hicho baada ya kufoji sahihi ya mwenyekiti huyo na muktasari wa kutoa fedha za mradi huo benki.

Mkomambo alimtaja mtumishi wa pili ni John Mwanga ambaye yeye anatuhumiwa kuiba kwa nyakati tofauti fedha za ujenzi wa nyumba ya Mganga wa Zahanati ya Visiga sh.milion 1.5 benki kwa njia hiyo hiyo ambapo licha ya kuanza kuchunguzwa hivi karibuni aliiba tena sh. laki tatu 300,000 kwa njia hiyo ya kufoji sahihi na muktasari ya kutolea fedha benk.

Mkomambo aliwaeleza wajumbe hao kuwa kutokana na utofu huo wa nidhamu na ubadhirifu wa fedha za miradi ya wananchi watumishi hao hawana sababu tena ya kuendelea kuaminika kuwatumikia wananchi mjini humo na hivyo mwajiri amewafukuza kazi.

Aidha Baraza hilo mbele ya mwenyekiti huyo pia imeridhia kutoa adhabu ya kukatwa asilimia 15 ya mshahara katika kipindi cha mwezi mmoja mtumishi mwingine Lucas Nyangasa ambaye anadaiwa kukiuka kanuni na taratibu za ajira ambapo alijiamulia kutoka nje ya kazi kwa zaidi ya mwaka kwenda kusoma huku akiwia hajaruhusiwa na mwajiri wake.

Kufuatia hatua hiyo Mkurugenzi wa mji Kibaha Jenifa Omolo amethibisha watumishi hao wawili kupewa tayari barua za kuwaelekeza kuwa si waajiriwa tena wa halmashauri hiyo na kwamba alisisitiza hatua zaidi za kinidhamu zitaendelea kutolewa kwa watumishi ama mtu yeyote anayekiuka taratibu,kanuni na sheria za Utumishi wa Umma hivyo amewataka waajiriwa mjini humo kuchata kazi kiuadilifu ili kuleta tija kwa jamii.