KESI YA UBAKAJI YAMALIZWA KINYEMELA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Familia mbili za Kitongoji cha Wamba, Kata ya Kandawale wilayani Kilwa zimekutana na kumaliza kinyemela kesi ya kubakwa mwanafunzi wa darasa la saba Shule ya Msingi Ngarambe na kumsababishia ujauzito.

Mratibu wa elimu wa Kata ya Ngarambe, Daudi Sendaro alisema wazazi wa pande hizo mbili walikutana kumaliza mgogoro huo, lakini waliposhtukiwa walimtorosha mbakaji.

Mwalimu mkuu wa shule hiyo, Rajabu Banda alisema mwanafunzi huyo alikuwa anasoma darasa la saba na ni miongoni mwa wanaotarajiwa kufanya mtihani wa kumaliza elimu ya msingi kwa kuwa ana sifa zote.

Mwenyekiti wa kamati ya shule, Edwina Kinawiro alisema wametoa taarifa kwa mratibu wa elimu wa Kata ya Ngarambe kwa ajili ya hatua zaidi.

“Sijajua kama ataruhusiwa kufanya mtihani akiwa mjamzito,” alisema Kinawiro.

Mratibu huyo, Daudi Sendaro alisema ikiwa ujauzito wa mwanafunzi huyo ni mdogo, atafanya mtihani huo na akifaulu atarudi shuleni kuendelea na masomo lakini kama ujauzito wake ni mkubwa atazuiwa.

 Chanzo;Mwananchi