WAKAZI WAHAMA KUKIMBIA MAFURIKO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WAKAZI wa Kijiji cha Gama, Kata ya Magomeni, wilayani Bagamoyo, wamelazimika kuyakimbia makazi yao baada ya Daraja la Gama kubomoka kutokana na mafuriko, hali iliyosababisha kukosekana kwa mawasiliano baina ya vijiji jirani.

Timu ya waandishi wa habari iliyotembelea eneo hilo juzi, ilishuhudia maji yakipita juu ya daraja hilo huku likimega robo tatu ya barabara jambo lilifanya wananchi wanaotumia barabara hiyo kusitisha shughuli zao.

Vijiji ambavyo vinaunganishwa na daraja hilo ni pamoja na Gama yenyewe, Saadan na Matipwili, ambako wakazi wa huko wanaitegemea barabara hiyo kwa shughuli mbalimbali ikiwemo biashara na kupitisha watalii kuelekea mbuga ya Saadan.

Chanzo:Tanzania daima