Home » » Shule 86 Kisarawe zapatiwa viatu, dawa ya minyoo

Shule 86 Kisarawe zapatiwa viatu, dawa ya minyoo

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
 
Ili kukabiliana na minyoo kwa wanafunzi wa shule za msingi wilayani Kisarawe mkoa wa Pwani, shirika lisilo la kiserikali la Marekani la  Feed the Children, limesambaza dawa za minyoo na viatu kwa wanafunzi wa shule 86 wilayani humo.
 
Akizungumza na NIPASHE  Jumapili  katika kijiji cha Bwama, ofisa mradi  wa chakula na lishe wa shirika hilo Mina Maimu, alisema lengo la kutoa tiba na viatu ni  kuwalinda  watoto na minyoo ikiwamo safura.
 
“Baada ya uchunguzi wa muda mrefu wa shirika letu, iligundulika kuwa watoto wengi wanakabiliwa na tatizo la minyoo kutokana na kutembea pekupeku na kukanyaga kinyesi na kupata minyoo na maradhi,” alisema Maimu.
 
Alieleza kuwa ugawaji  vifaa hivyo unakwenda pamoja na  utoaji wa uji wa lishe wa soya kwa wanafunzi wa shule 30 zilizo kwenye  mradi huo na kwamba utaendelea kwa miaka miwili na ulianza  mwaka huu.
 
“Watoto wengi wa shule za vijijini, wanaishi katika mazingira magumu hawana viatu, hivyo kushambuliwa na minyoo na kusababisha afya zao  kuzorota hali iliyotulazimu  tuwaanzishie uji wenye virutubisho,” alisema.
 
Waliopata  viatu ni wanafunzi wa Shule ya Msingi Bwama, vilivyokabidhiwa na Makamu Mwenyekiti wa Halmashauri ya Kisarawe, Dora Chaurembo.
CHANZO: NIPASHE

0 comments:

 
Supported by Tone Multimedia Company Limited
Copyright © 2012. Pwani Yetu - All Rights Reserved
Designed by Fredy Tony Njeje
Proudly powered by Blogs za Mikoa