Nape: Chalinze msimchague mpinzani

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Katibu wa Uenezi na Itikadi wa Chama Cha Mapinduzi (CCM), Nape Nnauye

 

Katibu wa Uenezi na Itikadi wa  Chama Cha Mapinduzi (CCM), Nape Nnauye, amewataka wananchi wa jimbo la Chalinze kutomchagua mgombea wa upinzani katika uchaguzi mdogo unaotarajia kufanyika mwezi ujao.

 

Nape alitoa kauli hiyo jana, kwenye mkutano wa hadhara wa kumnadi mgombea wa chama hicho kwenye jimbo la Chalinze, Ridhiwani Kikwete uliofanyika katika kijiji cha Kiwangwa.

 

Katibu huyo alisema kuchagua upinzani ni kuwatengenezea wananchi mazingira ya chuki, ugomvi na kufanya maandamano yasiyo na msingi badala ya kuleta maendeleo yao.

 

“Sababu za kuwanyima kura Chadema na CUF ni uchaguzi wa mwaka 2010 majimbo yote waliyopewa Chadema waligeuzwa kuwa viwanja vya maandamano na kuongoza migomo isiyokuwa na tija kwa wananchi,” alisema na kuongeza:

 

“Namna ya kuwafanya wapinzani wasidhubutu kurudi tena ni kuwanyima kura kabisa, kuwapa kura ni kujinyima haki zenu za msingi na kutatuliwa matatizo yenu, hivyo kuwapa nafasi ni kuliingiza jimbo hili katika migogoro na malumbano ya kila mara," alisema Nape.

CHANZO: NIPASHE