Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
CHAMA cha Soka Mkoa wa Pwani (Corefa), kimetangaza rasmi na
kukabidhi jina la bingwa wa soka Mkoa, Kiluvya United kwa Shirikisho la
Soka Tanzania (TFF).
Akizungumza na Tanzania Daima jana, Kaimu Katibu Mkuu wa
Corefa, Mohamed Lubondo, alisema timu hiyo ya Kiluvya ndio mabingwa wa
mkoa, baada ya kumalizika Ligi Daraja la Tatu.
“Najua klabu zinajipanga kuhakikisha zinashiriki ligi katika wilaya
zao kupata timu tatu za juu kushiriki Ligi ya Mkoa mwaka huu, hivyo
vyama vya soka vijipange kuhakikisha vinaendesha ligi hizo za daraja la
nne mapema iwezekanavyo,” alisema Lubondo.
Lubondo alibainisha kuwa, nyuma ya Kiluvya United, washindi wa pili
ni Super Star ya Bagamoyo huku ya tatu ni Nyota Nyeusi ya Mafia, ambazo
zilimaliza katika nafasi hizo za juu.
Katibu huyo alisema kumalizika kwa ligi hiyo ni ishara ya kuanza kwa
ligi nyingine, hivyo kuwataka wadau na wapenzi wa soka wajitokeze kwa
wingi kusaidia mchezo huo, ili kukuza na kuendeleza vipaji vya soka
mkoani Pwani na Tanzania kwa ujumla.
Chanzo:Tanzania daima
0 comments:
Post a Comment